ՊՍԺ-ի կիսապաշտպան Անդեր Էրերան խոսել է իր թիմակից Մարկո Վերատտիի մասին:
– Դուք խաղացել եք բազմաթիվ հիանալի կիսապաշտպանների հետ, ինչպիսիք են Տիագոն, Գաբին, Պոգբան, Վերատտին…: Նրանցից ո՞վ է հատկապես աչքի ընկնում:
– Նրանք տարբեր են: Լավագույնը, ում հետ ես խաղացել եմ, Վերատտին է, բայց ես խաղացել եմ շատ լավ ֆուտբոլիստների հետ: Տիագոն, Պոգբան հիանալի որակներ ունեցող ֆուտբոլիստներ են։ Կամ Շվայնշտայգերը, ով իր կարիերայի վերջին հատվածում եկավ «Մանչեսթեր Յունայթեդ»:
Այնուամենայնիվ, Վերատտին ինձ համար առանձնանում է։ Ֆուտբոլիստը միշտ մտածում է, որ հենց պետք է խաղա, բայց եթե նա խաղում է քո դիրքում…: Ինչի՞ մասին է խոսքը (ծիծաղում է): Ես Վերատտիին նույն հարթության վրա եմ դնում Չավիի և Ինյեստայի հետ»,- ասել է Էրերան AS-ին տված հարցազրույցում:
