ՊՍԺ-ն պլանավորում է իր ֆուտբոլիստներին ներառել «Նիսի» գլխավոր մարզիչ Քրիստոֆ Գալտյեի տեղափոխության գործարքում, հայտնում է L’Equipe-ը: Ավելի վաղ հաղորդվում էր, որ ֆրանսիացի մասնագետը փարիզյան ակումբի գլխավոր մարզչի պաշտոնը զբաղեցնելու հիմնական հավակնորդն է։
«Նիսն» արդեն ընտրել է մեկ կամ երկու երիտասարդ ֆուտբոլիստների, որոնք կարող էին համապատասխանել պահանջվող չափանիշներին: Երկու կողմերն էլ ձգտում են հնարավորինս արագ ավարտել գործարքը:
Գալտյեի պայմանագիրը ներկայիս ակումբի հետ նախատեսված է մինչև 2024 թվականը:
2021/22 մրցաշրջանի արդյունքով ՊՍԺ-ն դարձավ Ֆրանսիայի չեմպիոն և նվաճեց երկրի Սուպերգավաթը։ «Նիսը» զբաղեցրեց 6-րդ հորիզոնականը Լիգա 1-ում:
