«Բավարիայի» հարձակվող Ռոբերտ Լևանդովսկին համաձայնեցրել է «Բարսելոնայի» հետ պայմանագրի կետերը, տեղեկացնում է հեղինակավոր ինսայդեր Ֆաբրիցիո Ռոմանոն։
Աղբյուրի տեղեկություններով՝ 33-ամյա ռմբարկուն 3 տարվա պայմանագիր է համաձայնեցրել կատալոնական ակումբի հետ, որն այժմ պետք է «Բավարիայի» հետ պայմանավորվի տրանսֆերի արժեքի հարցում։
Նշվում է, որ Լևանդովսկին, չնայած Մադրիդի «Ռեալի», ՊՍԺ-ի և «Չելսիի» հետաքրքրությանը, վճռական է տրամադրված «Բարսելոնա» տեղափոխվելու հարցում և պատրաստ է սպասել, որպեսզի «կապտանռնագույնները» լուծեն իրենց ֆինանսական խնդիրները և համաձայնության գան «Բավարիայի» հետ։
