«Ասթոն Վիլան» հայտարարել է «Բարսելոնայի» կիսապաշտպան Ֆիլիպե Կոուտինյոյի տրանսֆերը մշտական հիմունքներով ձեռք բերելու մասին: Բրազիլացին անգլիական ակումբի հետ մինչև 2026 թվականը նախատեսված պայմանագիր է կնքել։
«Բարսելոնան» իր պաշտոնական կայքում հայտնել է, որ տրանսֆերի արժեքը կազմում է 20 միլիոն եվրո։ Բացի այդ, կատալոնացիները կստանան 29-ամյա ֆուտբոլիստի տրանսֆերի հետագա վաճառքի գումարի 50%-ը։
Հիշեցնենք, որ Կոուտինյոն հունվարին վարձավճարով միացավ «Ասթոն Վիլային» և Սթիվեն Ջերարդի թիմում անցկացրել է 16 հանդիպում՝ դառնալով 4 գոլի ու 3 գոլային փոխանցման հեղինակ։
