Թուրինի «Յուվենտուսի» հարձակվող Պաուլո Դիբալան ամառային տրանսֆերային պատուհանի ժամանակ դժվար թե միանա «Բարսելոնային»:
Կատալոնացիների գլխավոր մարզիչ Չավին արգենտինացուն գերագնահատված ֆուտբոլիստ է համարում։ Այս մասին հայտնում է La Gazetta dello Sport-ը։
Աղբյուրի համաձայն՝ Չավին շահագրգռված չէ 28-ամյա Դիբալային հրավիրել, նույնիսկ ազատ գործակալի կարգավիճակով։
Չավին նրան գերագնահատված ֆուտբոլիստ է համարում, ով չի կարողանա համապատասխանել իր թիմային ոճին։
Ավելի վաղ «Յուվենտուսը» հայտարարել էր, որ չի կարող պայմանավորվել արգենտինացի հարձակվողի հետ պայմանագրի երկարաձգման հարցում, որն ավարտվում է մրցաշրջանի ավարտին։
Այս մրցաշրջանում Դիբալան բոլոր մրցաշարերում անցկացրած 29 խաղում դարձել է 13 գոլի և 6 գոլային փոխանցման հեղինակ:
