«Մանչեսթեր Յունայթեդի» երկու ֆուտբոլիստներ կարող են կարիերան շարունակել «Յուվենտուսում», հայտնում է Mirror-ը:

Կիսապաշտպան Պոլ Պոգբան և հարձակվող Անտոնի Մարսիալը կարող են միանալ թուրինյան ակումբին, հայտնում է աղբյուրը։ Գործարքի մանրամասները հայտնի չեն:

Ընթացիկ մրցաշրջանում Պոգբան Պրեմիեր լիգայի 15 խաղում դարձել է 1 գոլի և 9 գոլային փոխանցման հեղինակ։

Ֆրանսիացի կիսապաշտպանի պայմանագիրը «կարմիր սատանաների» հետ նախատեսված է մինչև 2022 թվականի հունիսը:

Մարսիալը 2022 թվականի հունվարին «Մանչեսթեր Յունայթեդից» վարձավճարով տեղափոխվեց «Սևիլիա» մինչև մրցաշրջանի ավարտը։

Նոր թիմի կազմում ութ խաղում ֆրանսիացի հարձակվողը դարձել է մեկ գոլի և մեկ գոլային փոխանցման հեղինակ։

Մարսիալի պայմանագիրը «Մանչեսթեր Յունայթեդի» հետ ավարտվում է 2024 թվականին։