Գարի Նևիլը կարծում է, որ «Մանչեսթեր Յունայթեդի» ֆուտբոլիստները չէին ընդգրկվի «Մանչեսթեր Սիթիի» կազմում:
Մայքա Ռիչարդսի հետ զրույցում «կարմիր սատանաների» նախկին պաշտպանը վերլուծել է թիմերի կազմերը մանչեսթերյան դերբիից առաջ։
«Ես չափազանց անկեղծ կլինեմ։ Ես կարող եմ անցնել կազմով՝ Դիաշ, Լյապորտ, Կանսելու, Ուոքեր: Նրանք բոլորն էլ ավելի լավն են, քան «Յունայթեդի» պաշտպանները։
Կիսապաշտպանություն. Ֆերնանդինյոն, Ռոդրին ավելի լավն են, քան «Յունայթեդի» հենակետայինները: Բերնարդու Սիլվա, Գյունդողան: Բրունու Ֆերնանդեշը միակն է, որին կարելի է դիտարկել, եթե գնահատենք վերջին 12-18 ամիսները։ Բայց Դե Բրույնեն, Բերնարդու Սիլվան, Մահրեզը, Ֆոդենը, Ստերլինգը… Բրունուին այս պահին չեմ կարող ընտրել Բերնարդու Սիլվայի ու Դե Բրույնեի փոխարեն։
Ռոնալդուն նույնպես այժմ չի կարող ընդգրկվել թիմի կազմում»,- ասել է Նևիլը:
