«Նապոլիի» գլխավոր մարզիչ Լուչիանո Սպալետտին կարծում է, որ «Բարսելոնան» ներկայումս նույնքան ուժեղ է, որքան հարձակվող Լիոնել Մեսսիի հետ:
Իտալացի մասնագետը Եվրոպա Լիգայի պատասխան խաղին ընդառաջ խոսել է կատալոնական ակումբի մասին: Թիմերի միջև առաջին հանդիպումն ավարտվել էր ոչ-ոքի՝ 1:1 հաշվով։
««Բարսելոնան» շատ ուժեղ է: Մեսսին նրանց կազմում էր, բայց հիմա նրանք նույն մակարդակն ունեն։ «Բարսելոնան» հիանալի ֆուտբոլիստներ ունի խաղադաշտում:
Մեր նպատակն է ստեղծել այնպիսի թիմ, որը երկրպագուները կհիշեն: Մեզ բալանս է անհրաժեշտ: Միգուցե փոքր-ինչ փոփոխություններ կանեմ առջևի գծում, բայց ոչ կիսապաշտպանությունում»,- Սպալետտիի խոսքերն է փոխանցում Football Italia-ն:
