«Մանչեսթեր Յունայթեդի» գլխավոր մարզիչ Ռալֆ Ռանգնիկը Չեմպիոնների Լիգայի 1/8 եզրափակչի առաջին հանդիպմանն «Ատլետիկոյի» հետ ոչ-ոքիից հետո խոստովանել է, որ թիմն առաջին խաղակեսում լավագույնս չխաղաց:
«Չգիտեմ՝ փրկել եմ խաղը փոխարինումներով, բայց առաջին խաղակեսից հետո այն չէր կարող ավելի վատ դառնալ։ Ես դեռ չեմ հավատում, թե ինչպես էինք խաղում ընդմիջումից առաջ։ Դա արեցին առանց կիրքի ու գնդակի համար պայքարում անհրաժեշտ ագրեսիայի։ Այդ պատճառով էլ խնդիրների առաջ կանգնեցին։ Երկրորդ խաղակեսում նրանք ավելի լավ տեսք ունեին։ Եթե կարողանայինք ևս 10 րոպե խաղալ, կարող էինք նույնիսկ հաղթել, բայց ես շատ էի նյարդայնացել առաջին խաղակեսի պատճառով։ Մենք չափազանց վախենում էինք գնդակից։
«Ատլետիկոյի» դեմ խաղում վաղաժամ գոլ բաց թողնելը բարդ խնդիր է: Դժվար էր պաշտպանվել։ Մենք պետք է գործենք ավելի ագրեսիվ, ավելի վստահ, ավելի համառորեն առաջ վազենք։ Մենք հենց այդպես էլ գոլ խփեցինք: Ահա թե ինչպես պետք է խաղալ նման մրցակիցների հետ»,- Ռանգնիկի խոսքերն է մեջբերում ՈւԵՖԱ-ի մամուլի ծառայությունը։
