Մադրիդի «Ռեալը» հետաքրքրված է «Նապոլիի» կենտրոնական կիսապաշտպան Ֆաբիան Ռուիսի ծառայություններով, տեղեկացնում է հայտնի ինսայդեր Նիկոլո Սկիրան թվիթերի իր միկրոբլոգում:
Աղբյուրի համաձայն՝ «արքայական» ակումբն ուշադրությամբ հետևում է 25-ամյա խաղացողին։ Տրանսֆերով անձամբ հետաքրքրված է թիմի գլխավոր մարզիչ Կառլո Անչելոտտին, ով իսպանացի ֆուտբոլիստի հետ ծանոթ է նեապոլիտանական ակումբում համատեղ աշխատանքից:
Ընթացիկ մրցաշրջանում Ռուիսն Ա Սերիայում անցկացրել է 21 հանդիպում՝ դառնալով 5 գոլի և 3 գոլային փոխանցման հեղինակ: Կիսապաշտպանի տրանսֆերը գնահատվում է 55 միլիոն եվրո:
