Հարձակվող Պյեր-Էմերիկ Օբամեյանգը մոտ ժամանակներս պաշտոնապես կդառնա «Բարսելոնայի» խաղացող։
Սպասվում է, որ այսօր կատալոնական ակումբը կհաստատի գաբոնցի ֆուտբոլիստի հետ պայմանագրի ստորագրումը:
Հինգշաբթի կամ ուրբաթ օրը Օբամեյանգը կներկայացվի «Կամպ Նոու» մարզադաշտում։ Այսպիսով, 31-ամյա խաղացողը «Բարսելոնայի» կազմում առաջին հանդիպումը կարող է անցկացնել արդեն կիրակի օրը՝ Մադրիդի «Ատլետիկոյի» դեմ:
Ավելի վաղ հայտնի էր դարձել, որ հարձակվողը և «Արսենալը» երկկողմ համաձայնությամբ խզել են պայմանագիրը:
