ՊՍԺ-ի և Արգենտինայի հավաքականի հարձակվող Լիոնել Մեսսին յոթերորդ «Ոսկե գնդակը» ստանալուց հետո խոսել է Ռոբերտ Լևանդովսկու մասին:
«Չգիտեմ՝ ինչ-որ մեկը կգերազանցի այս ռեկորդը. Բայց դուք գիտեք, որ միշտ կա մեկը, ով կարող է բարելավել ռեկորդները: Ամեն դեպքում, կարծում եմ, որ յոթերորդ «Ոսկե գնդակը» տպավորիչ ձեռքբերում է։
Ես շատ երջանիկ եմ Փարիզում։ Հիանալի է կրկին պայքարել բոլոր գավաթների համար:
Կարծում եմ, որ ես ստացա «Ոսկե գնդակը» շնորհիվ այն, ինչ ես ու Արգենտինան կարողացանք անել Ամերիկայի գավաթում: Տարիների պայքարից և հաճախակի անհաջողություններից հետո ես վերջապես դա արեցի: Շատ ուրախ եմ, որ այսօր իմ ընտանիքը երջանիկ էր։
Կարծում եմ՝ Ռոբերտ Լևանդովսկին հիանալի տարի անցկացրեց: Մրցաշրջան առ մրցաշրջան նա ավելի լավն է դառնում և ցույց է տալիս, որ հիանալի հարձակվող է։ Այս տարի նա ստացել է «Լավագույն հարձակվող» մրցանակը։
Իհարկե, Լևանդովսկին հաջորդ տարի կարող է հասնել այս մակարդակի իր խաղի շնորհիվ: Եվ բացի այդ, նա խաղում է մեծ ակումբում»,- ասել է Մեսսին։
