«Մանչեսթեր Սիթիի» գլխավոր մարզիչ Պեպ Գվարդիոլան կիսվել է Չեմպիոնների Լիգայի խմբային փուլի 5-րդ տուրի ՊՍԺ-ի նկատմամբ տարած հաղթանակից (2:1) իր տպավորություններով։
«Լավ խաղ էր: Երբ նրանք տիրում էին գնդակին մեր դարպասի մոտ դաշտի վերջին մեկ-երրորդում, դա միշտ վտանգավոր էր։ Բայց, այնուամենայնիվ, մենք հիանալի խաղացինք, ինչպես առաջին խաղում։
Ցավոք սրտի, առաջին խաղակեսում մենք չօգտագործեցինք մեր հնարավորությունները։ ՊՍԺ-ի գոլից հետո մենք 5-10 րոպեով նոկաուտի ենթարկվեցինք։ Շնորհակալություն երկրպագուներին, որ եկել են և աջակցել մեզ։ Երեկոն մեզ համար հրաշալի ստացվեց։
Մենք հինգ կամ վեց տարի անընդմեջ դուրս ենք եկել Չեմպիոնների Լիգայի փլեյ-օֆֆ, այժմ մենք խմբում առաջինն ենք, ուստի ես ավելի քան երջանիկ եմ: Մենք հասկանում էինք, որ ոչ-ոքին մեզ համար լավ կլինի, բայց ամեն դեպքում հաղթեցինք։
Ես միշտ հավատացել եմ, որ որքան հեռու են նրանց հարձակվողները մեր դարպասից, այնքան ավելի ապահով է մեզ համար։ Մոտենալով նրանք ազատ տարածություն գտան։ Հիշեք Նեյմարի բաց թողնման պահը. Նրանք այն ստեղծել են ոչնչից։
Նրանք շատ լավ հարձակում ունեն։ Մենք պետք է պաշտպանվեինք որպես թիմ։ Ես չեմ տեսել վիճակագրությունը, բայց կարծում եմ, որ մենք այսօր հիանալի էինք»,- ասել է Գվարդիոլան:
