Ֆրանսիայի հավաքականի նախկին կիսապաշտպան Մաթյո Վալբուենային շանտաժի ենթարկելու գործով դատարանի որոշումը չի ազդի ազգային հավաքականում հարձակվող Կարիմ Բենզեմայի ապագայի վրա։

Այս մասին հայտարարել է Ֆրանսիայի ֆուտբոլի ֆեդերացիայի նախագահ Նոել Լե Գրեն։ Նրա խոսքով՝ 33-ամյա հարձակվողն, այնուամենայնիվ, չի հեռացվի ազգային հավաքականից։

Այս գործով որոշումը կկայացվի նոյեմբերի 24-ին։ Հիշեցնենք, որ հետաքննությունը Բենզեմային կասկածում է, որ 2015 թվականին նա հանդես է եկել որպես միջնորդ՝ դրդելով Վալբուենային վճարել շանտաժիստներին, որպեսզի նրանք Մաթյոյի մասնակցությամբ ինտիմ տեսանյութ չհրապարակեն։

Շանտաժի հետ կապված իրավիճակի պատճառով երկու ֆուտբոլիստներն էլ Եվրո 2016-ին չեն ընդգրկվել Ֆրանսիայի հավաքականի հայտացուցակում։ Բենզեման դրանից հետո հավաքական չհրավիրվեց մինչև 2021 թվականը, նա բաց թողեց Աշխարհի 2018 թվականի հաղթական առաջնությունը։