Ուելսի հավաքականի հարձակվող Գարեթ Բեյլը մեկնաբանել է 2022 թվականի աշխարհի առաջնության ընտրական փուլի՝ Էստոնիայի դեմ ոչ-ոքին (0-0):
«Ես զգում եմ, որ մենք լավ էինք շարժում գնդակը, մենք մշտական սպառնալիք էինք մրցակցի համար, բայց դա այն գիշերներից մեկն էր, երբ մենք չօգտագործեցինք մեր հնարավորությունները: Երկար ժամանակ է, ինչ մենք այդքան շատ պահեր չենք ունեցել մեկ խաղում, իսկ Ուելսի ֆուտբոլիստները պարզապես հիասթափված ու վշտացած են։
Զգացվում էր, որ մենք լավ էինք խաղում, նրանք մեծ սպառնալիք չէին ներկայացնում, բայց եթե ռիսկի չես դիմում, ապա չես հաղթի: Երեկ հիասթափեցնող գիշերներից մեկն էր: Մենք պետք է օգուտ քաղենք այս հանդիպումից և փորձենք անգութ լինել հաջորդ խաղում: Ֆուտբոլում պետք է հաղթել յուրաքանչյուր խաղում, մեզ երկու դժվարին արտագնա խաղեր են սպասվում:
Զարմանալի էր կրկին խաղալ մեր երկրպագուների առջև, ազգային օրհներգը զարմանալի էր և ամոթ էր, որ չկարողացանք հաղթել», – Բեյլի խոսքերն է մեջբերում Sky Sports-ը:
