ՊՍԺ–ի և Իտալիայի հավաքականի կիսապաշտպան Մարկո Վերատին կարող է բաց թողնել աշխարհի առաջնության ընտրական փուլի՝ Շվեյցարիայի դեմ հանդիպումը: Հայտնում է Gazzetta dello Sport-ը:
Կիսապաշտպանը ծնկի վնասվածք է ստացել Բուլղարիայի հետ խաղում (1: 1): Չնայած նրան, որ Վերատին ավարտեց հանդիպումը, վաղը նա կարող է խաղադաշտ դուրս չգալ: Ֆուտբոլիստն այսօր բուժզննում կանցնի, որից հետո պարզ կլինի, թե ինչքան լուրջ է վնասվածքը:
Եթե Մարկո Վերատին չկարողանա օգնել Իտալիային, ապա նրա տեղը կզբաղեցնի Մանուել Լոկատելլին:
Հիշեցնենք, որ Շվեյցարիա – Իտալիա հանդիպումը կկայանա սեպտեմբերի 5-ին: Սկիզբը՝ Երևանի ժամանակով 22:45-ին:
