Սարսափելի դրվագ տեղի ունեցավ Անգլիայի երիտասարդական գավաթի խաղարկության «Բոստոն Յունայթեդ» – «Վեսթ Բրիջֆորդ» խաղում:
Ինչպես նշում է DailyMail-ը, հանդիպման ժամանակ երիտասարդ ֆուտբոլիստներից մեկը սրտի կաթված է ստացել: Հանդիպումը դադարեցվեց, ինչից հետո աշխատակիցները խնդրել են երկրպագուներին հեռանալ տրիբունայից:
Դեպքի վայր է ժամանել շտապօգնության երեք մեքենա: Բժիշկները մի քանի անգամ օգտագործել են դեֆիբրիլյատորը, սակայն խաղացողը չի արձագանքել նրանց գործողություններին:
Ֆուտբոլիստը, ենթադրաբար, Բրիջֆորդից տեղափոխվել է Նոթինգհեմ քաղաքի բժշկական կենտրոն: Բժիշկները շարունակում են պայքարել նրա կյանքի համար:
