«Մանչեսթեր Յունայթեդի» գլխավոր մարզիչ Ռալֆ Ռանգնիկը խոսել է անգլիական ակումբի նոր մարզչի փնտրտուքների մասին։
«Մենք դեռ չենք խոսել այդ մասին։ Ինչ վերաբերում է Տեն Հագին, ես նրան որպես մարդ չեմ ճանաչում, բայց տեսել եմ, թե որքան առաջընթաց է գրանցել «Այաքսը» նրա օրոք։
Գիտեմ նրա աշխատանքի որակի մասին, ակնհայտ է, որ Տեն Հագը Եվրոպայի լավագույն մարզիչներից է, բայց կան նաև այլ թեկնածուներ։
Մինչ այժմ մենք ակումբի ղեկավարության հետ չենք քննարկել նոր մարզչի նշանակման հարցը, ուստի դեռ ոչինչ հայտնի չէ:
Տեսնենք, թե ինչ կլինի ապագայում»,- Ռանգնիկի խոսքերն է մեջբերում Sky Sports-ը։
