«Մանչեսթեր Սիթիի» գլխավոր մարզիչ Պեպ Գվարդիոլան ասել է, որ իր թիմը հարձակվողի կարիք ունի:
«Կարծում եմ, որ մեզ անպայման հարձակվող է պետք: Ես կարող եմ սխալվել, բայց համաձայն չեմ այն մարդկանց հետ, ովքեր այլ կերպ են մտածում: Նրանք ասում են, որ մենք հիանալի ենք գործում առանց հարձակվողի, բայց դա այն պատճառով է, որ մենք հաղթում ենք:
Եթե մենք պարտվենք, ապա բոլորը կսկսեն խոսել այն մասին, որ մեզ հարձակվող է անհրաժեշտ։ Պրեմիեր Լիգայում ցանկացած թիմի հարձակվող է պետք»,- Գվարդիոլայի խոսքերն է մեջբերում Goal-ը։
ԱՊԼ-ի մրցաշարային աղյուսակն այժմ գլխավորում է «Մանչեսթեր Սիթին»՝ 27 տուրում վաստակելով 66 միավոր:
