Մադրիդի «Ռեալի» գլխավոր մարզիչ Կարլո Անչելոտտին մեկնաբանել է թիմի հաղթանակը «Ռեալ Սոսյեդադի» նկատմամբ:
«Եթե մենք այսպես խաղանք, ապա ՊՍԺ-ի դեմ ավելի շատ տարբերակներ կունենանք: Թիմը հասկացավ այս հանդիպման կարևորությունը։
Արդյոք Կամավինգան կխաղա՞ փարիզեցիների հետ: Դա տարբերակներից մեկն է։ Մոդրիչը «Ռեալի» առանցքային տարրերից մեկն է: Չկա խաղացող, ով կարող է փոխարինել Կազեմիրոյին, կարելի է ինչ-որ մեկին դնել այդ դիրքում, բայց այլ խաղային հատկանիշներով:
Այս հանդիպումից հետո երկրպագուներն ավելի շատ են հավատում մեզ»,- իտալացի մասնագետի խոսքերն է մեջբերում El Chiringuito TV-ն:
Չեմպիոնների Լիգայի 1/8 եզրափակչի պատասխան խաղում Մադրիդի «Ռեալը» չորեքշաբթի օրը կընդունի ՊՍԺ-ին (առաջին խաղը՝ 0:1):
