Հայտնի են դարձել Եվրոպա Լիգայի 1/8 եզրափակչի բոլոր մասնակիցները:

Փլեյ-օֆֆի ուղեգիր են նվաճել «Ատալանտան», «Լայպցիգը», «Սևիլիան», «Պորտուն», «Բարսելոնան», «Բետիսը», «Ռեյնջերսը» և «Բրագան»:

Ավելի վաղ խմբային փուլի արդյունքներով 1/8 եզրափակիչ էին դուրս եկել «Այնտրախտը», «Բայերը», «Վեսթ Հեմը», «Գալաթասարայը», «Լիոնը», «Մոնակոն», «Սպարտակը» և «Ցրվենա Զվեզդան», որոնք իրենց խմբերում զբաղեցրել են առաջին տեղը:

Այսօր Շվեյցարիայի Նիոն քաղաքում գտնվող ՈւԵՖԱ-ի շտաբ-բնակարանում տեղի կունենա 1/8 եզրափակչի վիճակահանությունը: Այն կմեկնարկի Երևանի ժամանակով 15:00-ին։

Առաջին հանդիպումները տեղի են ունենալու մարտի 10-ին, իսկ պատասխան խաղերը՝ մեկ շաբաթ անց: