«Վալենսիայի» գլխավոր մարզիչ Խոսե Բորդալասը խոսել է Լա Լիգայում «Բարսելոնայից» կրած պարտության մասին (1:4).
«Ամաչում եմ մեր երկրպագուներից, նրանք արժանի չեն դրան: Մենք կարող ենք պարտվել, բայց ոչ այս հաշվով։
Ես հավակնություններ ունեմ, ցանկանում եմ բարելավել մեր արդյունքները։ Հիմա մեզ համար բարդ շրջան է, իհարկե, ես հիասթափված և զայրացած եմ:
Սա այն չէ, ինչ ես սպասում էի, երբ եկա ակումբ»,- Բորդալասի խոսքերն է մեջբերում Marca-ն:
Այս մրցաշրջանում «Վալենսիան» Լա Լիգայի 25 խաղում վաստակել է 30 միավոր, թիմը զբաղեցնում է մրցաշարային աղյուսակի 12-րդ հորիզոնականը։
