Մադրիդի «Ռեալի» պաշտպան Դանի Կարվախալը մեկնաբանել է «Ալավեսի» նկատմամբ տարած հաղթանակը (3:0) Լա Լիգայի 25-րդ տուրի խաղում։
«Չեմպիոնների Լիգայում կրած պարտությունից հետո թիմին պետք էր լավ խաղ ցուցադրել, հաղթել և վերականգնել վստահությունը: Մենք շատ լավ խաղացինք և արժանի էինք 3 միավորի: Այժմ մենք մեկ շաբաթ ունենք «Ռայոյի» դեմ խաղին պատրաստվելու համար:
Առաջին 45 րոպեների ընթացքում մրցակցի էներգիայի մակարդակը միշտ ավելի բարձր է լինում, և մենք փորձում ենք հնարավորինս ուժասպառ անել նրան։ Դրա համար գոլերը խփվում են խաղավերջում, քանի որ մրցակիցն ավելի շատ ազատ գոտիներ է թողնում ու հոգնածություն է առաջանում»,- ասել է Կարվախալը:
