Լա Լիգայի «Ալավեսի» դեմ խաղում հարձակվող Կարիմ Բենզեման գոլ խփեց 11-մետրանոցից և կատարեց 2 գոլային փոխանցում։
63-րդ րոպեին ֆրանսիացին գոլային փոխանցում կատարեց Մարկո Ասենսիոյին, իսկ 80-րդ րոպեին՝ Վինիսիուս Ժունիորին։ Արդեն ավելացված ժամանակում նա անվրեպ իրացրեց 11-մետրանոց հարվածը, և «Ռեալը» հաղթեց 3:0 հաշվով։
Այժմ 34-ամյա հարձակվողն «արքայական» ակումբի կազմում Լա Լիգայում 301 արդյունավետ գործողություն է կատարել՝ 210 գոլ և 91 գոլային փոխանցում:
Վերջին 50 տարվա ընթացքում «Ռեալի» միայն 3 ֆուտբոլիստ է հասել այդ նշագծին. Բենզեմայից բացի՝ նրանք են Ռաուլը (228 + 83 միավոր) և Կրիշտիանու Ռոնալդուն (311 + 88):
