«Բարսելոնայի» պաշտպան Ժերար Պիկեն երկրպագուներին հորդորել է աջակցել թիմին խաղերի ժամանակ։
«Ես հասկանում եմ երկրպագուների դժգոհությունը։ Սակայն մենք կցանկանայինք, որ նրանք դա դրսևորեին խաղից հետո։ Ցավալի է, երբ մենք զրկված ենք աջակցությունից»,- պաշտպանի խոսքերն է փոխանցում Goal-ի թվիթերյան էջը:
Հիշեցնենք, որ հինգշաբթի օրը «Կամպ Նոու» մարզադաշտում «կապտանռնագույնները» չկարողացան հաղթել «Նապոլիին» (1:1) Եվրոպայի Լիգայի 1/16 եզրափակչի առաջին խաղում:
