«Մանչեսթեր Սիթիի» գլխավոր մարզիչ Պեպ Գվարդիոլան ցանկանում է, որպեսզի ակումբը նոր պայմանագիր կնքի կիսապաշտպան Բերնարդու Սիլվայի հետ, տեղեկացնում է լրագրող Ֆաբրիցիո Ռոմանոն։
Աղբյուրի փոխանցմամբ՝ «քաղաքայինների» և 27-ամյա խաղացողի միջև բանակցությունները համաձայնագրի ժամկետի երկարաձգման շուրջ նոր են մեկնարկել:
Չեմպիոնների Լիգայի 1/8 եզրափակչի «Սպորտինգի» հետ առաջին խաղից (5:0) հետո Գվարդիոլան խոսել է պորտուգալացի ֆուտբոլիստի ապագայի մասին:
«Հուսով եմ, որ Բերնարդուն դեռ երկար տարիներ կմնա «Մանչեսթեր Սիթիում»: Սակայն որոշումը կկայացնեն Սիլվան և ակումբը՝ համատեղ»,- ասել է իսպանացի մասնագետը:
Սիլվան ընթացիկ մրցաշրջանում «Սիթիի» կազմում անցկացրած 33 խաղում դարձել է 10 գոլի և 3 գոլային փոխանցման հեղինակ։ Նրա գործող համաձայնագիրն անգլիական ակումբի հետ նախատեսված է մինչև 2025 թվականի հունիսի 30-ը։
