Միլանի և Բրազիլիայի հավաքականի նախկին պաշտպան Կաֆուն խոսել է փողոցային ֆուտբոլի և երեխաների վրա տեխնոլոգիաների ազդեցության մասին։
– Բրազիլիայում միշտ ասում են, որ լավ ֆուտբոլիստը պետք է փողոցում խաղա։ Այս մշակույթը դեռ գոյություն ունի՞:
«Տեխնոլոգիաների պատճառով մենք կորցնում ենք փողոցային ֆուտբոլի մշակույթը: Մենք կորցնում ենք երեխաներին, ովքեր խաղում են փողոցներում և լողափերում։
Երիտասարդության էությունը կորել է, մարդիկ մոռացել են թե ինչպես լինել երեխա: Այդ ամենը սմարթֆոնների, համակարգիչների և պլանշետների պատճառով:
– Ի՞նչ եք կարծում, Բրազիլիան կորցնում է իր տաղանդներին դրա պատճառով:
«Բրազիլիան միշտ աստղեր կունենա, բայց ոչ այնքան, որքան նախկինում»,- ասել է 51-ամյա նախկին ֆուտբոլիստը։
