«Բարսելոնան» պլանավորում է իր քայլերը՝ կապված եզրային հարձակվող Ուսման Դեմբելեի՝ ամռանը ավարտվող պայմանագիրը երկարաձգելուց հրաժարվելու հետ:
Diario Sport-ը, վկայակոչելով ինսայդեր Ժերար Ռոմերոյին, նշում է, որ առաջին բանը, որ պատրաստվում է անել ակումբը, ֆուտբոլիստին ուղղված՝ պայմանագրի երկարաձգման առաջարկը չեղարկելն է:
«Բլաուգրանան» նաև ուսումնասիրում է ֆրանսիացու հրաժարագինը նվազեցնելու տարբերակը, (այն այժմ կազմում է 500 միլիոն եվրո): Դա արվում է , որպեսզի ձմռանը ֆրանսիացուն գնելու պատրաստ ակումբների թիվը ավելանա։
Եթե կիսապաշտպանը հունվարին չհեռանա թիմից, ապա «Բարսելոնան» մտածում է նրան զրկել խաղային պրակտիկայից, մինչև մրցաշրջանի ավարտը:
