Մադրիդի «Ռեալի» գլխավոր մարզիչ Կարլո Անչելոտտին հաստատել է, որ կիսապաշտպան Լուկա Մոդրիչը նոր պայմանագիր կկնքի «արքայական» ակումբի հետ։
«Մոդրիչը դեռ չի ստորագրել նոր պայմանագիրը։ Բայց, կարելի է ասել, որ նա ցմահ պայմանագիր ունի Մադրիդի «Ռեալի» հետ»,- իտալացի մասնագետին է ցիտում Mundo Deportivo-ն:
Ավելի վաղ տեղեկություններ կային, որ մոտ ժամանակներս «սերուցքայինները» կհայտարարեն 36-ամյա խորվաթի հետ մինչև 2023 թվականը համաձայնագրի ժամկետի երկարաձգման մասին:
Այս մրցաշրջանում Մոդրիչն անցկացրել է 20 հանդիպում ևդարձել է 5 գոլային փոխանցման հեղինակ։
