«Բարսելոնայի» պաշտպան Ժերար Պիկեն արձագանքել է Լա Լիգայի «Գրանադայի» դեմ խաղում (1:1) տեղի ունեցած թյուրիմացությանը։
80-րդ րոպեին լուսագիրը ցույց տվեց, որ Պիկեն դեղին քարտ է ստացել, իսկ 84-րդ րոպեին Ժերարը խախտեց կանոնները մրցակցի հարձակվող Կառլոս Բակկայի նկատմամբ, ինչի արդյունքում մրցավար Պաբլո Ֆուերտեսը չզգուշացրեց նրան: Խաղից հետո երկրպագուների մի մասը պնդում էր, որ կատալան պաշտպանը պետք է հեռացվեր։ Այնուամենայնիվ, ավելի ուշ պարզվեց, որ Պիկեն դեղին քարտ չի ստացել Բակկայի հետ դրվագից առաջ։
Մեկնաբանելով դրվագը՝ Պիկեն ասել է. «Նրանք, ովքեր պահանջում էին իմ հնարավոր հեռացումը, պետք է իմանան, որ ես խաղն ավարտել եմ առանց դեղին քարտի: Ուստի նախքան բողոքելը ճիշտ կլինի հավաստիանալ տեղեկատվության ճշմարտացիության հարցում»:
