«Ռոմայի» գլխավոր մարզիչ Ժոզե Մոուրինյոն մեկնաբանել է «Միլանից» կրած պարտությունը (1:3) Ա Սերիայի 20-րդ տուրի խաղում։ Հռոմեական ակումբը հանդիպումն ավարտեց 9 հոգով։
«Մենք դեռ խաղի մեջ էինք նույնիսկ այն ժամանակ, երբ պարտվում էինք 0:2 հաշվով, բայց երբ Ռիկ Կարսդորպը հեռացվեց խաղադաշտից, ամեն ինչ ավարտվեց:
Մենք միջակ կազմ ունենք, այդ պատճառով էլ գտնվում ենք աղյուսակի միջնամասում, որտեղ էլ հենց «Ռոմայի» տեղն է: Այսօր շատ սխալներ թույլ տվեցինք, և դա ոչ թե մարտավարության, այլ անհատական որոշումների խնդիր էր։
Մենք վատ հանդես եկանք: Եթե նայեք առաջին երկու գոլերին, մենք այնքան հեշտությամբ բաց թողեցինք գնդակը: Այսօր մենք իսկապես կարգ չունեինք։
Այսօր ինձ դուր չեկավ ո՛չ մրցավարը, ո՛չ իմ թիմը»,- ասել է պորտուգալացի մասնագետը DAZN-ին տված հարցազրույցում:
