ՊՍԺ-ի հարձակվող Լիոնել Մեսսին խոսել է իր խաղում իմպրովիզացիայի և ցուցադրական դերի մասին.
– 2011 թվականին «Արսենալի» դեմ Չեմպիոնների Լիգայի 1/8 եզրափակիչի պատասխան խաղում դու բախվեցիր դարպասապահ Մանուել Ալմունիային և մի վայրկյանում գնդակը նետեցիր նրա վրայով՝ խփելով ևս մեկ հիանալի գոլ: Սա մի բան է, որ հաճախ եք կրկնում մարզումների ժամանակ, թե՞ ավելի շուտ բնազդային էր:
-Ոչ, ուղղակի նման որոշում է եկել։ Դժվար է պատրաստվել դրան կամ պատկերացնել, որ ամեն օր նման գոլեր կխփես։ Սա այնպիսի պահ է, որը հազվադեպ է պատահում: Ես մարզվում եմ և փորձում եմ ամեն օր կատարելագործվել, բայց նման գործողությունները բնականից են լինում: Ես երբեք չեմ փոխել իմ խաղը մանկուց: Ինձ մոտ ամեն ինչ ինքնաբերաբար է գալիս՝ կախված հանգամանքներից, խաղային իրավիճակից։ Այդ երեկո ես զգացի, որ դա գոլ խփելու լավագույն միջոցն է, և ես դա արեցի։
– Շատ խաղացողներ փնտրում են արդյունավետություն, բայց քո գոլերից շատերը հիշվում են իրենց գեղեցկությամբ… Արդյո՞ք քեզ համար էսթետիկան նույնքան կարևոր է, որքան արդյունքը:
– Ոչ, եւ ես տգեղ գոլեր խփելու խնդիր չունեմ։ Հարձակման ժամանակ տարբեր խաղաոճեր կան… Ես սովոր եմ դարպասից հեռու սկսել մտածել, ուստի տարբեր գոլեր եմ խփում»,- ասել է Մեսսին France Football-ին տված հարցազրույցում:
