Չեմպիոնների Լիգայի խմբային փուլի 5-րդ տուրի խաղում «Մանչեսթեր Յունայթեդը» հաղթեց «Վիլյառեալին» (2:0):
Անգլիական թիմի հարձակվող Կրիշտիանու Ռոնալդուն 35-րդ րոպեին տուգանային հարվածի ժամանակ գնդակն ուղարկեց պատ կազմած ֆուտբոլիստների ուղղությամբ:
Պորտուգալացին 2016 թվականի սեպտեմբերից չի կարողանում Չեմպիոնների Լիգայում տուգանային հարվածից գոլ խփել։ Նրա վերջին 34 հարվածներն անհաջող են եղել:
Մինչև «Մանչեսթեր Յունայթեդին» միանալը Ռոնալդուն «Յուվենտուսի» կազմում 71 տուգանային հարված է կատարել և մեկ գոլ խփել: 48 դեպքում գնդակը դիպել է պատին։
