Իտալիայի հավաքականի գլխավոր մարզիչ Ռոբերտո Մանչինին Շվեյցարիայի ընտրանու հետ ոչ-ոքի արդյունքից (1:1) հետո գնահատել է իր թիմի՝ ԱԱ-2022-ի եզրափակիչ մրցաշար դուրս գալու շանսերը:
Եզրափակիչ տուրում «Սկուադրա աձուրան» դրսում խաղալու է Հյուսիսային Իռլանդիայի հետ, իսկ Շվեյցարիան հյուրընկալելու է Բուլղարիային:
«Բարդ իրավիճակ է, բայց մենք ավելի առաջ ենք Շվեյցարիայից (գոլերի տարբերությամբ): Կփորձենք մեր ֆուտբոլը խաղալ, հաղթել ու հուսալ, որ Բուլղարիան հիանալի հանդիպում կանցկացնի:
Երկու գոլի առավելությունը չնչին է թվում, բայց այդուհանդերձ…: Եվ հետո ո՞վ կասի, որ Բուլղարիան չի կարող դրական արդյունքի հասնել: Մենք ոչ մեծ առավելություն ունենք մտածում ենք Հյուսիսային Իռլանդիայում հաղթանակի մասին:
Մենք դուրս կգանք աշխարհի առաջնություն, ես վստահ եմ», – 56-ամյա մասնագետիի խոսքերն է փոխանցում Football Italia-ն:
