«Բարսելոնայի» պաշտպան Ժերար Պիկեն մեկնաբանել է ՈւԵՖԱ–ի Չեմպիոնների Լիգայի խմբային փուլի 2021/2022 մրցաշրջանի՝ Մյունխենի «Բավարիայի» դեմ խաղը: Կատալոնացիները պարտվեցին 0:3 հաշվով:
«Սա վատ արդյունք է տնային հանդիպման համար: Այնուամենայնիվ, այժմ «Բարսելոնան» այն է, ինչ կա: Հուսով եմ, որ հետագայում կբարելավվի թիմը: Այս տարին մեզ համար հեշտ չի լինի:
Վերջին հանդիպմանը մրցակիցներն ավելի լավն էին, բայց տեսնենք, թե ինչ կլինի մրցաշրջանի վերջում: Անցած մրցաշրջանում նույնպես «Չելսիին» ոչ ոք լուրջ չէր վերաբերվում, և ի՞նչ արեց: Ֆուտբոլը շատ փոփոխական է», – պաշտպանի խոսքերն է փոխանցում Marca-ն:
