«Միլանի» խորվաթ կիսապաշտպան Լուկա Մոդրիչը ճանաչվել է Իտալիայի առաջնության սեպտեմբեր ամսվա լավագույն խաղացող։
Տարեց կիսապաշտպանը հաղթել է Իտալիայի ֆուտբոլիստների ասոցիացիայի քվեարկությունը։
Լուկա Մոդրիչը «Միլանին» է միացել ամառային տրանսֆերային պատուհանի ժամանակ՝ «Ռեալ Մադրիդից» ազատ գործակալի կարգավիճակով։ Կիսապաշտպանը «ռոսոներիների» կազմում անցկացրել է տասը խաղ բոլոր մրցաշարերում՝ խփելով մեկ գոլ և կատարելով երկու գոլային փոխանցում։ Կիրակի՝ նոյեմբերի 2-ին, «Միլանը» կհյուրընկալի «Ռոմային»։
Սերիա Ա-ի 10-րդ տուրի խաղը նախատեսված է մեկնարկել Երևանի ժամանակով ժամը 23:45-ին։
