«Վեստ Հեմի» բրազիլացի կիսապաշտպան Լուկաս Պակետան մեկնաբանել է ձմեռային տրանսֆերային պատուհանի ժամանակ թիմը լքելու իր ցանկության մասին լուրը։

Daily Mail-ի փոխանցմամբ՝ կիսապաշտպանը հերքել է այդ լուրերը։ 28-ամյա ֆուտբոլիստը անցյալ ամռանը դիտարկվում էր «Ասթոն Վիլա» տեղափոխվելու համար։ Սակայն գործարքը խզվեց ամառային տրանսֆերային պատուհանի վերջին օրերին։

Պակետայի ներկայիս պայմանագիրը «Մուրճերի» հետ նախատեսված է մինչև 2027 թվականի կեսերը։