«Ռեալ Մադրիդի» պահեստային դարպասապահ Անդրեյ Լունինը կարմիր քարտ ստացավ «Էլ Կլասիկոյի» վերջում տեղի ունեցած կռվի ժամանակ։
Ըստ The Athletic-ի՝ մադրիդյան ակումբը չգիտի, թե ինչու է ուկրաինացին հեռացվել խաղադաշտից, քանի որ Լունինը պարզապես պաշտպանում էր Վինիսիուս Ժունիորին «Բարսելոնայի» խաղացողներից։
«Լոս Բլանկոսը» պատրաստվում է բողոքարկել որոշումը։ «Ռեալ Մադրիդը» տանը 2-1 հաշվով հաղթեց «Բարսելոնային»։ Կիլիան Մբապեն և Ջուդ Բելինգհեմը գոլեր խփեցին մադրիդյան թիմի կազմում։
«Լոս Բլանկոսը» գլխավորում է Լա Լիգան՝ հինգ միավորով առաջ անցնելով «Բլաուգրանայից»։ Իսպանիայի առաջնության հաջորդ փուլում «Ռեալ Մադրիդը» կհյուրընկալի «Վալենսիային»։
