«Մանչեսթեր Յունայթեդի» համասեփականատեր Ջիմ Ռեթքլիֆը արգելել է կատալոնական «Բարսելոնայի» հարձակվող Ռոբերտ Լևանդովսկու տեղափոխությունը, հաղորդում է Mirror-ը։

Աղբյուրի տվյալներով՝ բիզնեսմենը հետաքրքրված չէ այն ֆուտբոլիստներով, ովքեր մոտ են կարիերան ավարտելուն։ «Կարմիր սատանաների» գլխավոր մարզիչ Ռուբեն Ամորիմը ցանկացել է թիմում տեսնել 37-ամյա լեհ հարձակվողին, սակայն ակումբի ղեկավարությունը մերժել է այդ տարբերակը։

Լևանդովսկու գործող պայմանագիրը «Բարսելոնայի» հետ ավարտվում է 2026 թվականի ամռանը։ Ընթացիկ մրցաշրջանում նա մասնակցել է 9 հանդիպման և դարձել 4 գոլի հեղինակ