«Մանչեսթեր Սիթիի» դարպասապահ Ջանլուիջի Դոննարումման պատմել է, թե ինչպես է սեպտեմբերին կատարել Պրեմիեր Լիգայի լավագույն սեյվը՝ «Մանչեսթեր Յունայթեդի» դեմ 3-0 հաշվով հաղթանակ տանող իր նորամուտի խաղում։
Երկրորդ խաղակեսի կեսերին դարպասապահը կասեցրեց Բրայան Մբեմոյի վտանգավոր հարվածը դեպի հեռավոր անկյունը։
«Նորամուտները երբեք հեշտ չեն լինում, հատկապես նոր լիգայում, բայց սա յուրահատուկ էր։ Իրականում ես մի փոքր նյարդային էի։ Բայց կարծում եմ, որ լավ հաղթահարեցի իրավիճակը», – ասել է Դոննարումման Daily Mail-ին։
26-ամյա իտալացին «Մանչեսթեր Սիթիի» կազմում անցկացրել է ութ հանդիպում բոլոր մրցաշարերում՝ դրանցից հինգում անառիկ պահելով դարպասը։
