Daily Mail-ի փոխանցմամբ՝ հարձակվող Ռոբերտ Լևանդովսկու երկարաժամկետ փոխարինող գտնելու «Բարսելոնայի» հույսերը կարող են վտանգվել չվճարված տրանսֆերային պարտքի պատճառով։
Ավելի վաղ լուրեր էին շրջանառվում, որ «Բարսելոնան» ակումբներին պարտք է մոտ 159 միլիոն եվրո տրանսֆերային վճարների համար։ Սակայն պնդվում էր, որ ակումբը պարտավոր է գրեթե ամբողջ գումարը մարել մինչև ընթացիկ մրցաշրջանի ավարտը։
Աղբյուրի խոսքով՝ սա զգալի ճնշում է գործադրում կատալոնացիների ֆինանսների վրա, ինչը թանկարժեք հարձակվողի ձեռքբերումը դարձնում է անհավանական։
Ավելի վաղ հաղորդվել էր, որ «Բարսելոնան» հետևում է հարձակվող Խուլիան Ալվարեսի իրավիճակին, ով մտադիր է լքել «Ատլետիկոն»։
