«Շտուտգարտի» կիսապաշտպան Անջելո Շտիլլերը մնում է «Ռեալ Մադրիդի» ուշադրության կենտրոնում։

Կիսապաշտպանի անունը գտնվում էր «Արքայական ակումբի» տրանսֆերային նպատակների շարքում անցյալ ամռանը, սակայն դեռևս որևէ կոնկրետ բանակցություններ չեն կայացել։

Լրագրող Էկրեմ Քոնուրի խոսքով՝ «Լոս Բլանկոսի» ղեկավարությունը դեռևս հետևում է կիսապաշտպանին և պատրաստ է քննարկել նրա տրանսֆերը հաջորդ ամռանը։ Ֆուտբոլիստի պայմանագրում ներառված է 40 միլիոն եվրոյի հրաժարագնի կետ։

Անջելո Շտիլլերը այս մրցաշրջանում 11 խաղում խփել է մեկ գոլ և կատարել չորս գոլային փոխանցում։ Transfermarkt-ը 24-ամյա ֆուտբոլիստի արժեքը գնահատում է 45 միլիոն եվրո։