«Միլանը» ծրագրեր է մշակում իր կազմը ուժեղացնելու համար: Ըստ «Transfer News Live»-ի՝ «ռոսոներիները» հույս ունեն, որ Լուկա Մոդրիչը կօգնի ակումբին ձեռք բերել կիսապաշտպան Մատեո Կովաչիչին:
Մոդրիչը և Կովաչիչը Խորվաթիայի հավաքականի թիմակիցներ են և մի ժամանակ միասին խաղացել են «Ռեալ Մադրիդում»: 31-ամյա Մատեո Կովաչիչը ներկայացնում է «Մանչեսթեր Սիթին», և նրա ներկայիս պայմանագիրը նախատեսված է մինչև 2027 թվականի կեսերը:
Լուկա Մոդրիչը միացել է «Միլանին» ամռանը: Այդ ժամանակվանից ի վեր խորվաթը մասնակցել է ութ խաղի՝ խփելով մեկ գոլ և կատարելով մեկ գոլային փոխանցում:
