«Բարսելոնայի» նախկին պաշտպան Ժերար Պիկեն խոսել է Լա Լիգայում մրցավարական կողմնակալության մասին։
Իսպանացու խոսքով՝ մրցավարները զգալի ազդեցություն ունեն արդյունքների վրա՝ նախապատվությունը տալով «Ռեալ Մադրիդին»։
«Ես միշտ ասել եմ, որ Լա Լիգայի բոլոր մրցավարները նույնն են։ Նրանք բոլորը աջակցում են «Ռեալ Մադրիդին»։ Մարդիկ կարծում են, որ փոքր մանրուքները, ինչպիսիք են նետումները, խախտումները և անկյունայինները, այդքան էլ կարևոր չեն, բայց դրանք բոլորը շատ կարևոր են։ Մանրուքները փոխում են խաղերի ընթացքը, և «Ռեալ Մադրիդը» միշտ օգտվել է դրանցից», – 38-ամյա նախկին ֆուտբոլիստի խոսքերն է մեջբերում Managing Barca-ն։
Ժերար Պիկեն ավարտեց իր ֆուտբոլային կարիերան 2022 թվականի վերջին։ Նա «Բարսելոնայի» կազմում անցկացրել է ավելի քան 600 հանդիպում բոլոր մրցաշարերում։
