Իսպանիայում գլխավոր մարզիչ Լուիս դե լա Ֆուենտեն ավելի ու ավելի հաճախ է քննադատվում իր խաղացողներին գերծանրաբեռնելու համար:
«Բարսելոնայի» կիսապաշտպան Դանի Օլմոն վերջերս վնասվածք ստացավ «Ֆուրիա Ռոխայի» կազմում խաղալիս և, ինչպես սպասվում է, բաց կթողնի երեք շաբաթ, այդ թվում՝ առաջիկա «Էլ Կլասիկոն»:
«Դե լա Ֆուենտեն ոչնչացրել է Գավիին, Պեդրիին, Յամալին և Օլմոյին: Նա անպատասխանատու է և վտանգավոր «Բարսելոնայի» համար», – լրագրող Վիկտոր Նիետոյի խոսքերն է մեջբերում Barca Universal-ը:
Իսպանիան այսօր կխաղա Վրաստանի, իսկ երեքշաբթի՝ Բուլղարիայի հետ: Երկու խաղերն էլ կանցկացվեն տանը՝ 2026 թվականի աշխարհի առաջնության որակավորման փուլի շրջանակներում:
