«Լիվերպուլի» պաշտպան Իբրահիմ Կոնատեն կարող է այս ամռանը դառնալ ազատ գործակալ՝ թիմի հետ պայմանագրի ժամկետի ավարտից հետո։ Լրատվամիջոցները պարբերաբար ֆրանսիացուն կապում են «Ռեալ Մադրիդի» հետ։
Daily Mail-ի տվյալներով՝ «Լիվերպուլը» դեռևս ցանկանում է երկարաձգել Կոնատեի հետ պայմանագիրը, բայց դեռ ոչինչ չի արվել։ «Ռեալ Մադրիդը» հետևում է Կոնատեի իրավիճակին, բայց դա չի նշանակում, որ 26-ամյա ֆուտբոլիստը կտեղափոխվի Մադրիդ այս ամռանը։
Իբրահիմ Կոնատեն «Լիվերպուլի» կազմում հանդես է գալիս 2021 թվականի ամռանից՝ «Լայպցիգից» տեղափոխվելուց հետո։
