«Ֆրայբուրգի» դարպասապահ Նոա Ատուբոլուն կարող է տեղափոխվել «Ինտեր»։ Այս տեղեկությունը հայտնել է հայտնի լրագրող Ֆլորիան Պլետենբերգը։
Աղբյուրի փոխանցմամբ՝ «Ինտերը» ուսումնասիրում է 23-ամյա Ատուբոլուի հետ հաջորդ ամռանը պայմանագիր կնքելու հնարավորությունը։
Չնայած կողմերի միջև որևէ բանակցություններ չեն ընթացել, «Ներաձուրիները» պլանավորում են հանդիպում ֆուտբոլիստի գործակալների հետ։
Նշենք, որ 23-ամյա Ատուբոլուն առաջին անգամ հրավիրվել է Գերմանիայի հավաքական՝ հոկտեմբերյան խաղերի համար։
Այս մրցաշրջանում դարպասապահը բոլոր մրցաշարերում անցկացրել է ինը խաղ՝ երեքում անառիկ պահելով դարպասը։
