Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը տեսաուղերձով արձագանքել է «Ախմատի» ֆուտբոլիստ Ուսմանե Նդոնգի հետ կապված սկանդալային միջադեպին։
«Բարի երեկո բոլորին։ Ցանկանում եմ անդրադառնալ երեկվա դեպքին, որը, իմ կարծիքով, արդեն անցել է ողջախոհության սահմանները։ Իմ հասցեին հնչող մեղադրանքները լիովին անհիմն են և անընդունելի։ Ես պատրաստ եմ ապացուցել իմ ճշմարտությունը ցանկացած եղանակով՝ լինի դա տեսախցիկների կադրերի ուսումնասիրություն, շուրթերի ընթերցում կամ նույնիսկ պոլիգրաֆ։ Ես վստահ եմ իմ խոսքերի մեջ և գիտեմ, որ նման բան չեմ ասել։
Ես մեծացել եմ Կովկասում և գիտեմ արժեքները։ Նման արտահայտություն ինձ երբեք թույլ չէի տա։ Ունեմ բազմաթիվ ընկերներ աշխարհի տարբեր անկյուններից, որոնց հետ մշտապես շփվում եմ։ Այն, ինչ այժմ կատարվում է, պարզապես ծիծաղելի է և հիշեցնում է կրկես։ Հստակ հայտարարում եմ՝ ես կանգնած եմ իմ խոսքերի կողքին և պատրաստ եմ դրանք պաշտպանել ցանկացած ձևով»,– նշել է Սպերցյանը Telegram-ում հրապարակած տեսաուղերձում։
🇦🇲
Eduard Spertsyan a fait une déclaration suite à l’accusation raciste à son encontre.« Je suis prêt à prouver que j’ai raison par tous les moyens. Regardez les caméras, lisez sur les lèvres ou passez au détecteur de mensonges. Aucun problème. Je suis sûr de mes paroles et je… pic.twitter.com/rbZxmnFRdJ
— Arménie Football (@ArmenieFootball) October 5, 2025
