«Բենֆիկայի» գլխավոր մարզիչ Ժոզե Մոուրինյոն դժգոհություն հայտնեց մրցավարությունից «Ռիո Ավեի» հետ վերջերս կայացած 1-1 ոչ-ոքիից հետո։
Այժմ նա նոր մեկնաբանություն է տվել այս հարցի վերաբերյալ։ Մոուրինյոն պաշտպանում է մրցավարներին քննադատելու իր իրավունքը՝ հղում անելով ժողովրդավարությանը։
«Եթե ես չեմ կարող քննադատել մրցավարի աշխատանքը այնպես, ինչպես միլիոնավոր մարդիկ քննադատում են իմը, ես դա ժողովրդավարական չեմ համարում։ Ես չասացի, որ մրցավարը ազդել է արդյունքի վրա։ Ես նույնիսկ չասացի, որ մեր գոլը պետք է հաշվի առնվեր։ Ես չեմ խոսում մրցավարների մասին խաղերից առաջ։ Խաղերից հետո ես ինձ իրավունք եմ զգում խոսելու։ Ես ուրախ եմ, երբ կարողանում եմ գովաբանել մրցավարներին», – ասել է Մոուրինյոն մամուլի ասուլիսում։
«Բենֆիկան» Պորտուգալիայի առաջնության աղյուսակում երրորդն է։
