Լա Լիգայի նախագահ Խավիեր Տեբասը ենթադրել է, որ «Բարսելոնայի» վինգեր Լամին Յամալը չի կարողացել նվաճել «Ոսկե գնդակը» իր երիտասարդ տարիքի պատճառով։
ՊՍԺ-ի հարձակվող Ուսման Դեմբելեն արժանացել է 2024/25 մրցաշրջանի լավագույն ֆուտբոլիստի մրցանակին։ 18-ամյա Յամալը քվեարկության արդյունքում զբաղեցրել է երկրորդ տեղը։ Այնուամենայնիվ, «Բարսելոնայի» հարձակվողը երկրորդ տարին անընդմեջ նվաճել է լավագույն երիտասարդ ֆուտբոլիստի մրցանակը։
«Եթե նա 23 տարեկանից մեծ լիներ, վստահ եմ, որ այս մրցանակն էլ կհաղթեր, բայց քանի որ նա ավելի երիտասարդ է, նրան այլ մրցանակ տվեցին», – Տեբասի խոսքերն է մեջբերում ESPN-ը։
2024/25 մրցաշրջանում Յամալը «Բարսելոնայի» կազմում բոլոր մրցաշարերում անցկացրած 55 խաղում խփել է 18 գոլ և կատարել 25 գոլային փոխանցում։
